Қазір Қазақстан оларды елге алдыру бойынша келіссөз жүргізіп жатыр. Егер оларда вирус белгісі анықталған болса, сол жергілікті ауруханалардың бірінде толық емделіп шығуы тиіс. Медициналық тәртіп солай. Ал әзірге 6-шы қаңтардан бері Қытайдан келген отандастарымыз бен шетел азаматтары арасында қауіпті вирус белгісі ешкімнен анықталған жоқ. Сондай-ақ инфекционист мамандар еліміздегі кейбір компаниялардың қызметкерлерін медициналық бетперде таққыза бастағанына мүлде қарсылық білдірді.

Динагүл Баешева, Қазақстанның жетекші жұқпалы аурулар маманы:  

- Жоқ дұрыс емес. Олар енгізе алмайды ондай талапты. Өйткені бетперде сізді ешқандай аурудан сақтап қала алмайды. Бізде қарасаңыз, бір күлкілі жағдайға келдік. Далада, көлікте жападан-жалғыз отырып, бетпердесін киіп алған. Немесе далада жападан жалғыз бетперде киіп келе жатады. Ол дұрыс емес. Неге десеңіз, керісінше, адам таза ауамен демалу керек.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!