Межеленген 75 мың орынға шақталған жаңа жатақханалардың құрылысы мемлекеттік-жекеменшік серіктестік негізінде жүзеге асырылуы тиіс. Аталмыш жоспар кезең-кезеңімен жүргізіліп, яғни 2019 жылы – 5 мың, 2020 жылы – 15 мың, 25 мың 2021 жылы және 30 мың орын 2022 жылы тапсырылуы керек. Ал 2019 жылы құны 196,4 миллион теңге жатақханалардың 2 810 орны ғана тапсырылған. Осылайша, жоспардың тек 57 пайызы ғана орындалған. Сондай-ақ жоспарға сәйкес, барлық жатақханалар жаңадан бой көтеруі тиіс болған. Бірақ ескі ғимараттарды қалпына келтіріп, жатақханаға бейімдеген жағдайлар бар. Мәжілісмендер бұл ретте бөлінген қаржының мақсатты пайдалануын қадағалауды премьер-министрдің орынбасары Ералы Тоғжановтан сұрады.

Жәмилә Нұрманбетова, Мәжіліс депутаты:

- 2019 жылға байланысты Елбасы белгілеген жоспар орындалмаған. Негізгі меженің тек 25 пайызы ғана орындалған. 2019 жылдың 1-қазанына сәйкес 1957 орынға жатақханалар тапсырылған. Жыл соңында жоспарланған 2190 студент жатақханалармен қамтылмаған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!