Коронавирусқа байланысты 9 елге сапарға шықпаңыз
Қазақстандықтарға коронавирусқа байланысты тоғыз елге сапарламауға кеңес берілді. Жандарбек Бекшин азаматтарды билетін тапсырып, демалыстан бас тартуға шақырды.
Автор: Гүлбағда Қайратқызы
24.02.2020
Жандарбек Бекшин, ҚР Бас санитариялық дәрігері:
- Бізді алаңдататын тағы елдер бар. Оның ішінде Сингапур – 89 жағдай, Иран – 43, Таиланд – 35, Малайзия – 22, Вьетнам – 16 жағдай. Ертең осы елдерде жағдай қиындауы мүмкін.
Бұл елдердің ішінде әсіресе Оңтүстік Кореядан қауіп көп. Бұл ел ауру деңгейі бойынша індет өршіген Қытайдан кейін екінші болып тұр. Әзірге Қазақстан мен Оңтүстік Корея арасында әуе қатынасы тоқтаған жоқ. Бүгінгі күні ол елдің аумағында 23 мың қазақстандық азамат жүр. Одан бөлек, заңсыз миграция да бар. Сондай-ақ, әлем елдері арасында Италияда вирусты жұқтырғандар саны 144-ке жетті. Жапонияда да жағдай ушығып тұр. Мұнда 132 науқастан инфекция табылған. Бұған дейін, круиз лайнерінде індеттің тарағанын айтқан едік. Бүгін «Даймонд Принцесс» кемесінде болған тағы бір жолаушы көз жұмды. Ал лайнердегі төрт қазақстандық елордадағы ауруханаға жатқызылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
