Дариға Назарбаева, Сенат спикері:

- Алматы облысының 500 мыңнан астам адамы, оған олардың отбасы мүшелерін қоспағанда, Алматыда уақытша немесе тұрақты жұмыс істейді. Бұдан бірнеше мәселенің туындайтынын көруге болады. Менің ойымша, мемлекеттік органдар, депутаттар бұл жағдайға ерекше назар аударуы қажет. Бізге батыл шешімдер қажет. Індетпен күресу үшін ерік-жігер, табандылық керек. Сақтықты да ұмытпайық.

Спикер сондай-ақ, сенаторларға төтенше жағдай кезінде іс-сапарға шығуға, көпшілік шаралар өткізуге тыйым салынғанын айтты. Бірақ заң шығару жұмысы жалғаса бермек.

Ал Сенат аппаратының 70-тен аса қызметкері қазіргі күні үйден жұмыс істеуде, қалғандары қысқартылған жұмыс күніне ауысқан. Сондай-ақ Жоғары палата депутаттары мен аппарат қызметкерлері коронавируспен күрес қорына біркүндік жалақысын аударатын болды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!