Дәрігерлердің жағдайы. Дәрі-дәрмек пен қорғаныш зат қоры жеткілікті ме?
Алматыға алыстан қатынап жұмыс істейтін 12 мыңға жуық медицина қызметкері қонақ үйлер мен хостелдерге жатқызылады.
26.03.2020
Өйткені ақ халаттылардың карантин кезінде жүріп-тұруы қиындаған. Сондықтан бел жазбай жұмыс істеп жатқан мамандарды уақытша жатын орын және бір мезгіл ыстық тамақпен қамтамасыз ету көзделіп отыр. Бұдан бөлек, Алматыдағы ауруханалардың барлығы қажетті медициналық бетперде, спирт және антисептиктермен толық қамтамасыз етілген. Қоғамдық денсаулық сақтау басқармасының мәліметінше, Оңтүсік астанада алдағы үш айға жететін дәрі-дәрмек пен залалсыздандырғыш сұйықтық қоры бар. Ал орталық штабтың қоймасында 2 миллионнан астам медициналық бетперде тұр. Сондықтан жазға дейін ауруханаларда дәрі-дәрмек пен қорғаныш заттарының тапшылығы болмайды дейді мамандар.
Тілеухан Әбілдаев, Алматы қалалық Қоғамдық денсаулықты қорғау басқармасының басшысы:
- Егер емдеу мекемелерінде қажеттілік туындаған жағдайда біздің коронавирусқа қарсы күресетін штабтың орталық қоймасында дефектанттардың, антисептиктердің жеткілікті қор бар. Біз тиісті сұраныстарға байланысты оны қанағаттандырып отырамыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
