БҰҰ: Африка халқы коронавируспен күреске қауқарсыз
Коронавируспен күреске қауқарсыз! Індеттің өршуіне байланысты Африка халқы көмекке мұқтаж. Мұнда қауіпті вирусты жеңуге кемі 100 миллиард доллар қажет болуы мүмкін. Бұл туралы БҰҰ-мы жанындағы экономикалық комиссия мәлімдеді.
Автор: Нұргүл Нұрланқызы
01.04.2020
Қаражат денсаулық сақтау жүйесінің жұмысын жақсартуға қажет. Өйткені континентте заманауи медициналық құрылғылар тапшы. Әзірге қаржы болмағандықтан, мұндағы билік өкілдерінің қолынан карантиндік шараларға кірісуден басқа ештеңе келмей отыр.
Соңғы мәлімет: Африкада 6 мыңға жуық адам коронавируспен тіркелген. 200-дей адам Covid-19-дың құрбаны. Мамандар мұнда алдағы екі-үш аптада індет өрши түсіп, шарықтау шегіне жетеді деп болжайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
