Әлемде коронавирус жұқтырғандар миллионнан асты
Жер бетінде коронавирус жұқтырғандар саны 1 миллионнан асып кетті. Адамзатқа төнген нәубеттен 50 мыңнан астам науқас қайтыс болған.
03.04.2020
Өлім-жітім әсіресе Италия, Испания елдерінде көп тіркелуде. Бірақ бүгін бір күнде қауіпті індеттен өлгендер саны бойынша АҚШ алғашқы орынға шықты. Мұхиттың арғы бетінде соңғы бір тәулікте 1169 адам көз жұмған. Ал індет таралған Қытайда жағдай тұрақтала бастады.
Бүгін Ухань қаласында шектеулер алынып, ірі сауда орталықтары жұмыс істей бастады. Қытай билігі 4-ші сәуірді коронавирустен көз жұмғандарды еске алу күні деп жариялады. Ертең елдегі барлық мерекелік шаралар тоқтап, халық кеселден қырылып қалғандарды аза тұтады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
