Карантин кезінде үйден шығуға тыйым салынса да, құқық бұзу тыйылмай жатыр. Осылайша қаланың қақ ортасындағы үй ауласына жиылғандар таза ауада көңілді отырыс жасағысы келген болса керек. Алайда бұнысы сын сағат – беймезгіл уақытқа сай келген. Ащы суға сылқия тойғандар аумақты күзетіп жүрген учаскелік инспектордың ескертуін елемепті. Керісінше, олармен керіскен. Енді заң бұзғандарға қатысты ҚК-тің «Билік өкілінің талабына бағынбау» және «Билік өкіліне күш көрсету» баптары бойынша іс қозғалды.

Салтанат Әзірбек, Алматы қалалық ПД ресми өкілі:

- Олар балалар ойнайтын орында спирттік ішімдік ішіп, кәдімгідей дастархан жайып, пикник ұйымдастырған. Бесеуі де қылмыстық жауапкершілікке тартылды. Олардың іс-әрекеттері Қылмыстық кодекстің екі бабы бойынша сараланды. Бұл баптар үшін қоса, 8 жылға дейін бас бостандығынан айыру мерзімі көзделуде.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!