Қасым-Жомарт Тоқаев, Қазақстан Республикасының президенті:

- Қазақстан – аймақтағы көшбасшы ел. «Көшбасшы» деген жәй сөз емес. Сондықтан көшбасшы ретінде көмек көрсетуіміз керек. Кейбір көршілес мемлекеттер көмекке зәру болып отыр. Осындай мемлекеттерге көмек көрсетуіміз керек.

Қазақстан сондай-ақ, бір миллион тоннадан астам астықты шетел асырмақшы. «Бұл нарықты сақтау үшін керек», - дейді ауыл шаруашылығы министрі. Қазір елде 9 миллион тонна астық қоры бар. Елордадағы азық-түлік сақталған қойманы аралаған Қасым-Жомарт Тоқаев баға тұрақтылығына да мән берді.

Елде төтенше жағдайдың енгізілуіне байланысты наурыздың онынан бастап азық-түліктің бағасы төрт пайызға өскен. Қазір әлеуметтік азық-түліктің тоғыз түрі бойынша бағаны тұрақтандыру көзделіп отыр. Сонымен қоса Қазақстан Өзбекстан мен Башқұртстаннан картоп алуы мүмкін. Өйткені елде екі айға ғана жететін картоп қалыпты. Президент азық-түлік тауарлары бағасының қымбаттауына жол бермеуді, алыпсатарлыққа тосқауыл қоюды, тұрақтандыру қорын толықтыруды тапсырды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!