Бүгінде құрылыс саласында шамамен 700 мың адам жұмыс істейді екен. Үкімет баспана құрылысын тоқтатпау арқылы сол жұмыс орындарының сақталып қалуына да күш салғысы келеді. Жалпы көлемі 15 миллион шаршы метр баспананың ішінде халықтың әлеуметтік осал және аз қамтылған отбасылары мен жастар, бюджеттік ұйымдардың қызметкерлері санатынан 32 мыңнан аса отбасы жалға берілетін және несиелік пәтермен қамтылады. Биылғы жоспар осындай. Алайда өңір басшылары құрылысқа әлі толық кіріспепті.

Асқар Мәмин, ҚР Премьер-министрі:

- Құрылыс алаңдарына инженерлік инфрақұрылымын жеткізу бойынша 7 өңір ғана жобаларды іске асыруды бастаған. Жалға берілетін үйлердің құрылысын қаржыландыру 4 өңірден басқа барлық облыстарда уақытында жүргізілуде. Батыс Қазақстан, Жамбыл облыстары, Нұр-Сұлтан және Алматы қалалары бұл рәсімдерді кейінге қалдырып, өткізбеген.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!