Мәселен, америкалық атақты кәсіпкер осы аурудың арқасында әлемдегі ең бай адам атанды.

Кеше бұл елде 747 адам қайтыс болып, испаниялықтардың қабырғасы қарс айырылған. Ал бүгін ауруханалардан тағы 683 мәйіт шығарылып, елді мүлде есеңгіретіп жіберді.

Мария Хосе Сиерра, Испания Денсаулық сақтау министрлігі:

- Қайтыс болғандардың саны 15 мыңнан асты. Бұл дерт шырқау шегіне жетті деген сөз. Енді аурудың таралуы аз да болса, төмендейді деп үміттенеміз. Әрине, жағдай ауыр. Бірақ біз күресті жалғастыруымыз қажет. Бәрімізге сабыр мен салқылмас күш тілеймін.      

Құлан таза жазылып шыққандар да күн санап көбейіп жатыр. Аурумен алысып адамдарды аман алып қалып жатқан ақ халаттылар оларды ауруханадан зор қуанышпен шығарып салуда. Бұған дейін қариялар коронавирусқа төтеп бере алмайды деген ақпарат тараған. Бірақ Мадрид тұрғыны оны теріске шығарды. 96 жастағы зейнеткер ауруды жеңіп, ауруханадан аман-есен шықты.

Висенте, Мадрид тұрғыны:

- Аман қаламын деп мүлде ойлаған жоқпын. Өліп кетемін деп ойладым. Рақмет сіздерге, сіздер шынымен де батырсыздар!

Париж мэрі бетпердесіз жүргендерге шүйлікті. Науқастардың көбеюіне байланысты қалада ашық-шашық жүрген азаматтарға жаппай айыппұл салына бастады.

Австрияның әлемге танымал ат арбалары туристердің орнына тамақ таси бастады. Қала карантинге жабылғалы, олар жаппай жұмыссыз қалған.

Финдяндияда тығырыққа тіркелген кәсіпкерлер дәретхана қағазына ұқсас торт пісіріп, нан-пұлын тауып жатыр екен.

Америкалық кәсіпкерлердің бірі коронавирустың арқасында әлемнің ең бай адамы атанды. Джефф Безос, әйгілі интернет алыбы – Амазонның басшысы. Интернеттегі сауданың арқасында оның байлығы 113 миллиард долларға жеткен. Сөйтіп байлардың тізімінде Билл Гейтстің өзін екінші орынға түсірді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!