Нұрлан Нығматулин, Мәжіліс төрағасы:

- Осы заң жобасын әзірлеушілер мына заң жобасын ұсына отырып, «мұндай нысандарға адам көп келмейді» деп жазады. Бұл жерде не айтуға болады? Бір ғана сұрақ туындайды: Министрліктер мен ведомстволардың бірі болсын, Мәжіліске жіберген заң жобасын оқыды ма өзі?»

Төрағаның бұл дәлелінен сасқаны соншалық, Индустрия және инфрақұрылымдық даму вице-министрі Қайырбек Өскенбаев бірден «ұсынысты алып тастаймыз» деген жауап қайырып құтылды. Ал заңнамадағы ұсыныстың сарыны мынадай: 600 орындық мектеп, 800 адам сиятын ойын-сауда орталықтарын, бес қабатты тұрғын үйлерді еш құжаттамасыз салуға рұқсат беру. Яғни, құрылыстың бой көтеруіне не жобалық-сметалық, не сараптама құжаттары қажет болмайды. Мәжілісмендер құрылыстың сапасы былай тұрсын, адам өміріне қауіп төнетінін айтып шыр-пыр болды. Ұсынысқа жаппай қарсы шыққанымен, халық қалаулылары заң жобасын әдеттегідей бірінші оқылымда мақұлдап берді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!