Көкшетауда саунада ұсталған мемқызметкерлерге іс қозғалып, тексеріс басталды
Сыбайлас жемқорлыққа қарсы іс-қимыл агенттігі карантин шектеулеріне қарамастан, Көкшетаудағы моншалардың бірінде думандатқан қызметкерлеріне қатысты тексеріс бастады. Оларды полицейлер рейд кезінде ұстаған болатын.
Автор: Айзат Тұрғынбекқызы
20.04.2020
Карантин кезінде моншада рахат күй кешіп отырған азаматтардың «сыбайлас жемқорлық күрескерлері» екенін көргенде, полицейлердің өзі таң қалған. Олардың бірі жұмыстың ауырлығын, бір сәт демалу керегін айтып ақталып тұр. Әлемді дүрліктірген коронавирусқа қатысты жарияланған карантиннің күшейтілуіне байланысты қазір өңірде топталып моншаға түспек түгілі, аулаға шығуға тыйым салынған. Сондықтан төтенше жағдай режимін бұзған монша иесіне де, онда терлеп-тепшіп отырған 4 мемлекеттік қызметкерге де әкімшілік іс қозғалды. Сондай-ақ, бұл қызметкерлерге қатысты қызметтік тексеріс басталған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
