Степногорда 19 жастағы сарбаз автоматпен атылып өлді
Ақмола облысында сарбаз суицид жасады. Степногор қаласында әскери борышын өтеп жүрген 19 жастағы жігіт Калашников автоматымен атылып өлген.
Автор: Айзат Тұрғынбекқызы
22.04.2020
Оқиға таңғы 7 жарым шамасында болған. Сарбаз түзету мекемесін күзету кезінде өзіне өзі оқ атыпты. Қарауылға берілген қарумен алқымынан атқан ол бірден жан тапсырған. Сол сәтте қасында басқа да қарауылдар болған. Бірақ, сарбаздың неліктен ондай қадамға барғаны әзірге беймәлім. Қазір оқиға орнында жедел іздестіру тобы жұмыс істеп жатыр. Ұлттық Ұлан баспасөз қызметінің хабарлауынша, жауынгердің өліміне қатысты қызметтік тергеу басталған. Былтыр қараша айынан бері Отан алдындағы борышын өтеп жүрген жігіт Қызылорда облысынан келген екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
