Студенттік өмірдің қызығы мен шыжығын көрсететін «Оқытушы» комедиясы. Бас кейіпкер Арман ғашық болған аруының көңілінен шығу үшін өтірік айтып, өзін мұғалім етіп таныстырады. Қуырдақтың көкесі университетке шын оқытушы келгенде басталады. Шытырман оқиғалы фильмнің қалай өрбитінін білгіңіз келсе, ертең 17-00-де КТК-ны қосыңыз.

Ал жексенбі күні дәл осы уақытта көрермен назарына «Көшпенділер» фильмі ұсынылады. Он сегізінші ғасырдағы қазақ пен жоңғар соғысы тарихымызды тереңнен қозғайды. Қол бастаған Абылай, артынан ерген ержүрек жауынгерлер ұлтымыздың намысын паш ететіндей.

Көшпенділерден кейін кешкі сағат жетіде «Ликвидатор» фильмі басталады. Бұл туындыда бауырының өліміне кімнің қатысы барын анықтауға тәуекел еткен жігіттің өмірі баяндалады. Әділетсіздікпен беттескен бұл кейіпкер ақиқатқа жете ала ма? Оны да КТК-дан көріңіз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!