Жедел іздестіру шарасы сәуірдің 24-інен 25-іне қараған түні қала орталығындағы әкімшілік ғимараттардың бірінде өткен. Сау етіп кіріп барған арнайы жасақ құмар ойынға келген 30-дан астам адамды ұстады. Тінту барысында аумағы мың шаршы метрден асатын казинода покер және америкалық рулет ойындарына арналған 6 ойын үстелі, көптеген карталар мен фишкалар, сондай-ақ, заңсыз қызметтен бір күнде түсетін ірі мөлшердегі ақша қаражаты табылған. Қазір заңсыз ойын мекемесін ұйымдастырушыларға қатысты сотқа дейінгі тергеп-тексеру амалдары жүріп жатыр.

Данияр Ақуан, ҚР Сыбайлас жемқорлыққа қарсы іс-қимыл агенттігі бірінші департаменті басшысының орынбасары:

- Астыртын казиноға қатысы барлардың бәріне қатысты төтенше жағдай режимін бұзу дерегі бойынша әкімшілік хаттама толтырылды. Оның 18-іне қатысты соттың шешімімен бес тәулікке дейінгі әкімшілік қамау қолданылып, 6 тұлғаға қатысты жалпы сомасы 166 680 теңге айыппұл салынды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!