Қайғылы оқиға Ичхон қаласында болды. Төрт қабатты логистикалық қойма ішіндегі қызу құрылыс кезінде жарылыс болып, соңы алапат өртке ұласқан. Әзірге 38 адамның мәйіті табылды. 29-ның аты-жөні белгілі. Екеуі – Қазақстан азаматы. Ал 9 жұмысшының мәйіті адам танымастай күйіп кетіпті. Қызыл жалында ажал құшқандар бұдан да көп болуы мүмкін. Себебі, құрылыс басында 80 жұмысшы болған.  Тағы 10 адам ауыр жарақатпен аурухана жеткізілді. Қазір қалған құрылысшыларды іздеу жұмысы жүріп жатыр. Жойқын жарылысқа не себеп болғаны әзірге белгісіз. Құрылыс басында нақты қанша Қазақстан азаматының болғаны да беймәлім. Сеулдегі қазақ дипломаттары жағдайды бақылауға алды. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!