Карантин басталғалы КТК арнасы үйден шықпай отырған көпшіліктің көңілін көтеруге кіріскен болатын. Қазақ кино қоржынындағы ең қызықты да, романтикалық, шытырман оқиғаға толы төл туындыларымызды тарту етіп келеді. Соның бірі «Дневник безумной женщины» комедиясын ертең сағат 16:30-да қайта тамашалауға мол мүмкіндік туып отыр.

Оқыс оқиғадан кейін Нұрланның өмірінде бейтаныс әйел пайда болады. Оның ісі, түр-түсі, әсіресе бетіндегі сақалы жұртты шошытады. Ал ол қайдан шықты, аты кім, жасы нешеде, оны ешкім білмейді. Картина ессіз әйелдің ерсі қылықтарының тасасында мейірімді, нәзік жүректің жасырынып жатқанын жеткізуге тырысқан. 

Ал «Той любой ценой» комедиясы Мақсат есімді жігіт жайында. Ол жергілікті телеарналардың бірінде жұмыс істейді. Оның әпкесі той күні жақындағанда мейрамханаға төлейтін ақшаны жоғалтып алады. Сөйтіп тығырықтан шығудың жолын іздеген ол түрлі тәсіл мен айла-амал ойластырады. Өз бақыты үшін күрескен басты кейіпкердің хикаясы қалай өрбитінін білгіңіз келсе, жексенбі күні 17:30-да КТК арнасын қосыңыз.

Ендеше көбі кетіп, азы қалған карантинді біздің арнамен бірге өткізіп, отандық туындыларды тамашалауды ұмытпаңыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!