Мақтааралдағы тасқынға байланысты құрылған мемкомиссияны Роман Скляр басқарады
Түркістан облысындағы тасқынға байланысты мемлекеттік комиссия құрылды. Оны вице-премьер Роман Скляр басқарады.
04.05.2020
Бұл жұмыс тобына топан судан келген шығынды есептеп, ауылдарды қалпына келтіру, инженерлік желілерді жөндеу және зардап шеккен халыққа әлеуметтік көмек көрсету жүктелген.
Соңғы мәлімет бойынша, Мақтаарал ауданында 631 үйді су басыпты. Апатты жоюға мыңға жуық құтқарушы мен 200-дей техника тартылған. Сондай-ақ, су астында қалған ауылдардың кіреберісіне блок-бекеттер қойылып, жосып кеткен жұрттың дүние-мүлкін тәртіп сақшылары күзетіп жатыр. Облыстық әкімшіліктің мәліметінше, аудандағы 3600 гектар егіндік қызыл судың астында қалған. Бұл алқаптың 85 пайызына мақта егіліпті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
