Оралдағы блок-бекетте жүк көлігі жолын бөгеген полицейді қалпақтай ұшырды
Оралда блок-бекетті айналып өтпек болған жүк көлігі жолын бөгеген полицейді қағып, қалпақтай ұшырды. Киноға бергісіз кадрлар бейнебақылау камерасына түсіп қалған.
Автор: Саят Дәулетжанұлы
07.05.2020
Бұл кадрларда жүк көлігі блок-бекеттің сыртымен шлагбаумды айналып өткенін көруге болады. Тұра ұмтылған тәртіп сақшысын жүргізуші елемеген. Жылдамдықты күрт арттырған ол жолындағы полицейді қағып, аяғын жаншыған. Сол бетімен тұра қашқан күдікті алысқа ұзамай ұсталды. 34 жастағы қала тұрғыны бекеттегі кептелісте тұруға төзімі жетпегенін айтып ақталған. Енді бұл қылығы өзіне бәле боп жабысты – ірі айыппұл төлеп қана қоймай, екі жылға дайін түрмеге қамалуы мүмкін. Ал көлік қаққан полицей біраз уақыт ем қабылдайтын болады.
Болатбек Белгібаев, БҚО ПД ресми өкілі:
- Полиция кіші лейтенанты Ізбасаров сол жақ табанының жарақаты диагнозымен Орал қаласындағы облыстық клиникалық аурухананың жансақтау бөліміне жеткізілді. Дәрігерлер қарағаннан кейін ол үйіне қайтарылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
