Айгүл Базарова, ШҚО әкімдігінің баспасөз хатшысы:

- Ауылда мал толық егілді. Вакцинация жүргізілді. Аулаларға дизенфекция жасалды. Жағдай бақылауда екенін тағы да қайталап айтамын. Бұл карантин айдың соңына дейін созылуы мүмкін. Тағы бір мәрте толық тексерістен кейін карантин алынуы ықтимал.

Пастереллез індетінен арам қатқан сиыр саны – 309. Сараптама қорытындысы шыққанша, мал дәрігерлері мен тұрғындар ірі қараның қандай індетке душар болғанын таппай сандалған. Ал кесел бір-біріне жылдам жұққандықтан, ауыл айналасы айналдырған екі аптаның ішінде өлексеге толған. Кесел кесірінен тұрғындар мен ауылдағы төрт шаруа қожалығы шығынға ұшырады. Дегенмен жергілікті билік жұртқа өлген малдың басын толық өтеп беріпті. Ол үшін облыстық қордан 39 миллион теңге бөлінген. Комиссия үлкен сиырды 260 мың теңге, бір жасар малды 150 мың теңгеге және бұзауды 50 мың теңгеге бағалады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!