Алматыда әзірге кафе, қонақүй, діни орындар ашылмайды
Алматыдағы кафе, қонақүй, мешіт пен шіркеулер дүйсенбіде ашылмайтын болды. Өйткені қалада коронавируспен күресте алдыңғы шепте жүргендерді жаппай тестілеу мен індеттің жасырын ошақтарын анықтау жұмысы жалғасып жатыр. «Сондықтан мұндай нысандарға қойылған шектеуді 18-мамырда алып тастау – ерте» - дейді әкімдіктегілер.
Автор: Нұргүл Нұрланқызы
14.05.2020
Қоғамдық тамақтану орындары, қонақүй кешендері мен діни орындардың ашылуы тағы бір аптаға шегерілді. 25-мамырдан басталып қаладағы эпидемиологиялық жағдайға байланысты кезең-кезеңімен ашылады. Оның өзінде мұндай жерлерде санитарлық-гигиеналық ереже қатаң сақталуы керек. Бүгін қаланың бас санитар дәрігері балабақшалардың қандай жағдайда ашылатынын айтты.
Жандарбек Бекшин, Алматы қаласының бас санитар дәрігері:
- Әзірге аурудың таралу қарқыны бәсеңдеген жоқ. Күнделікті өсім 2 пайыздан төмендемей отыр. Әзірге балабақшалар ашылмайды. Қараңыздаршы, көшеде қаптаған көлік, толған адам.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
