Ол халықаралық ұйымның сайтында жарияланып тұр. Инактивтендірілген вакцинаны Биологиялық қауіпсіздік проблемалары ғылыми-зерттеу институтының қызметкерлері әзірлеген. Вакцина Қазақстан аумағында ауырған адамдардан бөлінген вирус штаммының негізінде жасалып отыр. Осылайша Қазақстан COVID-19-ға қарсы вакцина құрастырып жатқан елдер қатарына ресми түрде кірді. Ол вакцинаның алғашқы сериясы қазір дайын болып, зертханалық жануарларда тексерістен өтіп жатыр. Осы зертханалық тексерістен өткеннен кейін вакцина клиникаға дейінгі деген тексерістен өту үшін Ресейге жіберілмек.

Лесбек Құтымбетов, ҚР БҒМ Ғылым комитеті Биологиялық қауіпсіздік проблемалары ғылыми-зерттеу институтының зертхана меңгерушісі:

- Ресейдің екі мекемесінде, сол жақта тексерістен өтеді. Ол тексерісте жануарлардан басқа, маймылдар қолданылады. Сол тексерістен өткеннен кейін вакцина клиникалық тексеріске түседі. Клиникалық тексеріске адамдар қатысады. Сол адамдар қатысқан тексерісте жақсы нәтиже көрсететін болса, Қазақстанда жалпы өндіріске беріледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!