ШҚО: 600 шаршы метр демалыс орны күлге айналды
Шығыс Қазақстан облысында демалыс орны отқа оранды. Соның салдарынан Бұқтырма су қоймасының жағалауындағы үш баспана жанып кетті.
Автор: Ұлан Нұрахмет
19.05.2020
Өрт су жағасындағы «Яры» демалыс аймағынан кешқұрым шыққан. Қызыл жалын қураған шөп, бұталар арқылы ілезде төңірегіне тарап кетті. Ал оны ауыздықтауға өрт сөндірушілермен қатар құтқарушылар, орманшылар және тұрғындар да жұмылдырылды. Бірақ сол 30 адамға алапат отты бірден сөндіру мүмкін болмады. 600 шаршы метр аумақ күлге айналған. Абырой болғанда орманды алқап аман қалды. Болжам бойынша, оттың тұтануына қауіпсіздік шараларын ескермеу себеп болуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
