Әскерден күту құрметін шерулеткен жастар апатқа ұшырады – Жамбыл облысы
Жамбыл облысында әскерден күтіп алу кешінің соңы қайғымен аяқтала жаздады. Байзақ ауданында азаматтық борышын өтеп келген жігіттің кұрметіне көліктер шеруін ұйымдастырған жастар апатқа ұшыраған.
Автор: Руслан Әбдіхалық
19.05.2020
Ойқастап өткен БМВ жүйткіген бойда электр бағанасына соғылады. Құдай сақтап, сол сәтте айналада адамдар болмапты. Ал жүргізуші шыр айналған көліктен түсіп қалған. Оның денсаулығына қатты зақым келген жоқ, бірақ есінен танып қалды. Осылайша бір досын әскерден күтіп аламыз деп думандатқан жастар, екінші досынан айырылып қала жаздады. Темір тұлпармен көшеде атой салған жігіттер енді жаппай жауапқа тартылады. Бірақ бәрі айыппұлмен құтылмақ. Айта кетейік, шерушілер тек жол ережесін бұзып қана қоймай, карантиндік тәртіпке де қайшы әрекет жасаған.
Бауыржан Мейірбек, Байзақ аудандық ПБ әкімшілік полиция бөлімшесінің бастығы:
- Басқа да бес автокөлік иелеріне ҚР Әкімшілік қылмыстық кодекстің 593, 595 әкімшілік хаттамалар толтырылып, жауапқа тартылуда. Бәріне айыппұл салынады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
