Болат Бақауов енді мемлекеттік қызмет атқара алмайды
Павлодар облысының экс-әкімі Болат Бақауов сотталды. Осыған дейін үй қамағында болған оған сот 3 жарым жылға бостандығын шектеу жазасын белгіледі. Бұл шешімді үйінде онлайн тыңдаған бұрынғы шенеунік енді ешқашан мемлекеттік қызмет атқара алмайды.
Автор: Әйгерім Шакаманова
27.05.2020
Тергеу материалдары бойынша, қызмет бабын асыра пайдаланған Бақауов, туысының компаниясындағы мәселені шешіп бермек болған. Облыстық мемлекеттік кірістер департаментінің басшысынан заңды 200 милилион теңге салықты жасырып, оны 3 миллион теңгеге қысқартуды сұрапты. Экс-әкімнің бұл өтініші орындалған.
Болат Бақауов биыл қаңтарда «өзіне сеніп тапсырылған қызметін асыра пайдаланды» деген айыппен екі айға қамалған болатын. Бірақ кейін денсаулығының нашарлауына байланысты үй қамағына ауыстырылған. Ақыры кінәсін толық мойындаған шенеунік прокурормен процессуалдық келісімге келді. Ал Бақауовқа жаза кесерде сот оның кәмелетке толмаған балаларының барын ескеріпті. Бұған қоса, жазасын өтеу кезінде қоғамдық жұмыстарға тартылмақшы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
