Туристік аймақтарға балалар тегін ұшуы мүмкін
Елімізде 14 жасқа дейінгі балалар туристік аймақтарға тегін ұшуы мүмкін. Үкімет осылайша қазақстандықтардың шетелде демалуын азайтып, ішкі туризмді дамытпақшы. Жоба келер жылдың маусымынан бастап жүзеге асады делініп отыр.
Автор: Гүлбағдар Қайратқызы
29.05.2020
Қайрат Сәдуақасов, «Kazakh Tourism» ҰҚ Басқарма төрағасының орынбасары:
- Жобаны Парламент мақұлдаса, мектеп демалысы маусымында балаларға еліміздегі курорттық аймақтарға әуе билеті тегін болады. «Кидс Гоу Фри» жобасының шарттарының бірі – әр отбасы 4-5 күнге туристік пакет сатып алу тиіс. Оған ата-ананың жолақысы мен демалыс аймағындағы қонақүй шығындары кіреді. Сонда ғана балалар тегін ұша алады.
Балаларға алынатын әуе билеттерін субсидиялауға бюджеттен 150 миллион теңге бөлінбек. «ҚазақТуризм» қанша баланы тасымалдайтынын есептеп те қойған. Жоба аясында ел азаматтары демалысына кететін шығынды 30 пайызға дейін азайтады. Компания «Қазақстан экономикасы пайдаға кенеледі» деп сендіріп отыр. Мәселен, бір теңге көлемінде салынған субсидия ел қазынасын орта есеппен төрт теңгеге толықтырады.
Қазір туристік пакетке 10 бағыт анықталған. Ол: Балқаш, Алакөл, Имантау-Шалқар курорттық аймағы, Маңғыстау облысы, Түркістан қаласы, Баянауыл және барлық ұлттық парктер.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
