Отқа оранған нысан жаңадан салынып жатқан мектеп болып шықты. Алаудың жан-жағын жалмаған сәтінде іштегі газ баллоны атқылап, қатты дауыс естілген. Өрт туралы 101 нөміріне хабарлама сағат түскі екіге жуық түскен. Жеті минутта «жедел жеттік» деп ақпарат берген төтеншеліктер жалынды 20 минуттың айналысында өшірді. От 700 шаршы метрдей аумақты шарпыған. Өрт сөндірілген соң, құрылыс компаниясы жұмысын қайта жалғастырды.

Серік Әубәкіров, Алматы қалалық ТЖД бастығы:

- Өрт көрші ғимаратқа да бас сала ма деген қауіп туды. Бірақ дер уақытында техника жетіп, жедел өшірді. Бұл - 540 орындық мектептің құрылысы жүріп жатқан нысан. Өрттің неден шыққанын қазір дөп басып айту қиын. Бірақ болжам бойынша, темекі шоғынан шыққан болуы мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!