Біржан Құдайбергенов, Петропавл қаласының тұрғыны:

- Карантинге қарамастан, біздің жерлестеріміздің патриоттық рухын көтеру мақсатында автошеру өткізгелі жатырмыз.

Петропавлда жастар көлікпен шерулетті. Әр көлікке екеуден мінгендер жол бойы мемлекеттік туды желбіретті. Арасында мотокөліктері де бар топ қаланың қақ ортасымен жүріп отырып, әуежайға дейін келді.

Ал Қарағандының ірі сауда орталықтарында еріктелер әнұран шырқады. Сонымен қатар әнұран, елтаңба, ту авторларының есімдері дыбыс ұлғайтқыштар арқылы насихатталды. Карантинге байланысты 30 адамнан артық жиналуға тыйым салынғаны белгілі. Сондықтан еріктілер шашырай жүріп, өткен-кеткендерге 2000-нан аса мемлекеттік ту мен күнтізбені таратты.

Аида Қайырбекова, ерікті:

- Жалпы Қарағанды облысының волонтерлері осындай акцияларға бірігіп, елге мемлекеттік туымызды және елтаңбамыз бейнеленген күнтізбелерді таратып жатыр. Бұл қуантады. Адамдар тіпті жақындап: «Бүгін қандай мереке?» деп сұрайтындары да бар. Білмейтіндері де бар. Акциялар арқылы елге ой салып, осы мерекені тойлауға шақырамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!