Жылыой ауданы бойынша карантиндік шара тағы екі аптаға ұзартылған. 18-маусымға дейін дәріхана, азық-түлік дүкендерінен басқа базар, сауда орталығы секілді кәсіпкерлік нысанның жұмыс істеуіне тыйым салынды. Алайда кәсіп иелері бұған көнбей, аудандық әкімдік алдында шу шығарды. Осыған байланысты бүгін облыстық әкімдіктен жасақталған топ өкілдері Құлсары қаласына арнайы келіп, жергілікті кәсіпкерлермен жүздесті. Десе де ауру ошағына айналған аумақта карантиндік шаралар қалай да сақталатын болады.

Ержан Төлек, Атырау облысы әкімінің баспасөз хатшысы:

- Ауданның елді мекендерінде 43 жағдай анықталды. Оның 33-і Құлсары қаласынан шықты. Күні кеше ғана қайтыс болған екі азамат та осы ауданның тұрғындары. Қазір жиналған кәсіпкерлермен мемлекеттік және құқық қорғау органдарының өкілдері кездесіп, түсіндіру жұмысын жүргізіп жатыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!