Қызыл алаңда 75 жыл бұрын орындалған мерейтойлық«Кездесу маршымен»Жеңіс шеруі –сәнсалтанатпен ашылды.15 мың әскеридің қатарында Қазақстаннан 36-шы десанттық-шабуыл бригадасы да болды. Мерекелік шараға Ресей президенті Владимир Путиннің шақыруымен Қазақстан президентімен бірге Өзбекстан, Беларусь, Тәжікстан, Молдова, Сербия басшылары қатысты. Қырғызстан Президенті Сооронбай Жээнбеков Мәскеуге барып тұрып, мерекеге қатыса алмады. Өйткені онымен бірге келген екі адамнан коронавирус анықталған. Екінші дүниежүзілік соғыстың 80 ардагері де Жеңіс парадына куә болды. Мерекелік шарадан кейін Қасым-Жомарт Тоқаев өзге әріптестерімен бірге Александров бағындағы Белгісіз солдат зиратына гүл шоғын қою рәсіміне қатысты.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!