Алматыда ҰБТ-де 101 оқушы ереже бұзған
Тәртіп қатайғанымен, оған бағынбайтындар азаймай тұр. Алматыда Ұлттық бірыңғай тестілеу басталған алты күннің ішінде 101 оқушы ережені бұзған. Бұл туралы қаланың Білім басқармасы мәлімдеді.
Автор: Асқарбек Қазанғап
26.06.2020
Биыл Алматыда 266 мектептен 9300 түлек түлеп шықты. Оның жартысына жуығы сынақтан өтіп үлгерді. Ұлттық бірыңғай тестілеудің бұл жолғы тексерісі қатаң. Оған өршіп тұрған коронавирус та себеп. Осы күндері дене қызуы көтерілген оқушылар анықталмады. Ата-аналарға да тест тапсыру орталығына келмесін деген ескерту жіберілген. Олар сынақ барысын онлайн бақылай алады.
Қайрат Жұманов, Алматы қаласы білім басқармасы басшысының орынбасары:
- ҰБТ-ді 14972 адам тапсырады деп жоспарлануда. Оның ішінде 9047 немесе 97 пайызы биылғы түлектер. 5925 – өткен жылдар мен колледж түлектері. ҰБТ 21-маусым мен 5-шілде аралығында өткізіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
