Гүлсара Мұхтарқұлова, Жамбыл облыстық ПД баспасөз хатшысы:

- Жедел-іздестіру шарасында 27-маусымда Тұрар Рысқұлов ауданынан өзіне қол жұмсау белгілері бар мәйіт табылды. Жеке заттарын қарай келе, оның қожалықтағы қылмысты жасаған күдікті екені анықталды. Марқұмның нақты неден қаза тапқанын анықтау үшін бірқатар сараптамалар тағайындалды.

Адам шошырлық қылмыс мамыр айында Тұрар Рысқұлов ауданы Мамай ауылында болған. Таудағы қожалықта бірнеше ай малшы болған өзбекстандық ер адам екі әйелді бауыздап өлтіріп, мәйіттерін тапшанның астына жасырған. Марқұмдардың бірі – 50, екіншісі 38 жаста. Қанды қылмыс болған қожалықтың жергілікті учаскелік полицей мен оның анасына тиесілі екені белгілі. Бірақ бұл оқиғадан соң тәртіп сақшысы іле-шала өз еркімен жұмыстан шығыпты. Жұрттың жағасын ұстатқан оқиға болған жерден бүкіл малын алып кеткен. Айуандықпен өлтірілген екі әйелдің жақындары қылмысты жалғыз адамның істеуі мүмкін емес деп болжады. Ал күдікті асылып қалған оқиғаның мән-жайын полиция ашып айтпай отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!