Қайғылы жағдай Топар су қоймасының аумағында болған. Дауыл басталар кезде қыз үрмелі төсенішпен суда жүзіп жүрген екен. Желдің жылдамдығы секундына 21 метрге жеткендіктен, судан шығып үлгермеген. Соның салдарынан матрас аудалып, қыз суға тұншығып қаза тапты. 

Сондай-ақ, төтенше жағдай кесірінен шаһардың ірі аудандары мен облыстың жеті елдімекені жарықсыз қалған. Қазір жергілікті билік электр жарығы қайта қосылғанын хабарлады. Әйтсе де коммуналдық қызметтер мен апаттық бригадалар дауылдың салдарын жоюмен әліде айналысып жатыр. Сонымен бірге желден келген шығын есептелуде.

Мұрат Қатпанов, Қарағанды облысы ТЖД бастығының міндетін атқарушы:

- Облыста түрлі ғимараттың шатырлары қирап, 18 оқиға тіркелді. Оның ішінде білім беру мекемелері де бар. Тұрғын үй, мәдинет үйі және адам көп жиналатын бизнес мекемелері де бар. 45-тей тал опырылып, 11 жеңіл көлік зардап шекті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!