Аягөз: Интернатта 59 дімкәс бала КВИ жұқтырған
Басы даудан арылмаған Аягөздегі балалар интернатында 59 адамнан коронавирус анықталды. Онсыз да дімкәс балалар шетінен індет жұқтырған.
Автор: Асқарбек Қазанғап
13.07.2020
Тест қорытындысы бойынша ковид-19 шыққан 59 науқастың 22-і қызметкер болса, қалғаны тәрбиеленушілер. Бірақ, ешқайсында асқынған аурудың белгісі жоқ. Осыдан бірер апта бұрын да орталықтағы екі баладан ковид-19 расталды. Ол кезде орталық басшысы бұл бүлдіршіндер бізде емес, сыртта жұқтырған деп, жауапкершіліктен ат-тонын ала қашқан. Ал соңғы жағдайға байланысты кімді қалай дерт дендегенін анықтау үшін эпидемиологиялық тексеріс болатынын жеткізді.
Осыған дейін интернатта 10-нан астам бала ауруханаға түсіп, төртеуі қайтыс болды. Артынша орталық директоры Нұрлан Қантаев қызметінен кеткен болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!