Шешек шатқалының маңында түскі сағат 12-лерде тұтанған от ілезде үлкен аумаққа таралып үлгерген. Қураған шөп қаулай жанып, аптап ыстықта жалын дес бермей, жағдайды одан сайын қиындатыпты. Бірақ өрт сөндірушілер тілсіз жауды Самсоновка ауылына жеткізбей ауыздықтады. Сол маңдағы егістік алқабына да зиян келмеген. Дала өртінің тұтануына тұрғындардың өзі кінәлі дейді құтқарушылар.

Азамат Мұқашев, ШҚО ТЖД өрт сөндіру қызметі бастығының міндетін атқарушы:

-Сөндіруге 6 өрт сөндіру көлігі және 21 адам жеке құрамы қатысты. Жеке құрамның іс-қимылдарымен қауіптің барлығы шешілді. Шөп пен егін өртенген жоқ. Жану болу себебі адамдардың абайсыз отпен қолдану.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!