Төртеуі Шымбұлақ шыңын бағындырмақ болған екен. Орта жолда екіге бөлініп, таудың басында кездесуге келісіпті. Алайда екі топ та жол таппай, мүлде бөтен шатқалдарға қарай бұрылып кеткен. Құтқарушылар оларды түн ортасында әзер іздеп тапты. Осы түні тауда тағы екі адам табылды. Қос студент Букреев шыңына 15 адамнан құралған топқа қосылып кеткен. Алайда жарты жолда шалдығып, серіктерінен ажырап қалған. Бір топ турист те өз кезегінде артта қалғандарға мән бермей өз жолымен кете беріпті. Абырой болғанда тауда ұялы байланыс ұстап, адасқан студенттер аман-есен үйлеріне жеткізілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!