35 жастағы наша сатушыны тәртіп сақшылары Шу ауданында ұстаған.  Күні бойына қарасора шауып, кешке кептіріп дайындаумен айналысыпты. Есірткі шаруасын дөңгеленткен оның үстінен полицейлер кезекті рейд кезінде түскен. Бұл азамат 1 тонна 278 келі нашаны әзірлеп қойыпты. Өзінің айтуынша, солтүстік облыстарға сатпақ болған. 

Ержан Бейсембаев, Жамбыл облыстық ПД есірткі қылмысына қарсы іс-қимыл басқармасы бастығының міндетін атқарушы: 

-35 жастағы азамат жедел тергеу орындарына жеткізілді. Ол кінәсін мойындап отыр. Бұл азамат есірткі заттарын аса ірі көлемде дайындап таратпақ болғаны үшін айыпталды. Айыпталған бапқа сәйкес 10-15 жылға дейін бас бостандығынан және мал-мүлкінен айырылуы мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!