Суға кете жаздаған – 6 жасар бір қыз бала мен 10 жастағы екі ұл. Судың қызығына батқан балалар жағадан қалай ұзап кеткенін байқамаған. 300 метрге дейін жерге жеткенде кішкентай қыздың аяқ-қолы тартылған. Оны су бетінде ұстап тұрған қалған екі бала да су жұтып, су астына кетуге аз қалыпты. Балалардың айқайын құтқарушылар естіп, дер кезінде жеткен. Оқушылардың ата-аналары бұл жайттан бейхабар екен. Яғни, шомылуға кеткенін білмеген. Жағалауда да ешкім болмаған. Алматы облысының құтқарушылары өткен демалыста тағы 5 жасар қыздың суға батып кете жаздағанын айтады. Онда да бүлдіршін ата-ананың қарауынсыз қалыпты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!