Ғалымдар мен шенеуніктерден құралған зоологиялық комисссия ақылдаса келе, осындай шешімге келді. Өздері келтірген мәлімет бойынша, өткен ғасырдың басында Каспийде 1 миллиондай итбалық болса, қазір саны жүз мыңға жетер-жетпес. Бірақ, бейресми деректерге сәйкес, сүтқоректілер бұдан әлдеқайда азайған. Теңіз жануарының жағалауда жылда мыңдап қырылып жататыны белгілі. Дегенмен олардың өліміне табиғи фактор немесе қандай да бір індет себеп болды делініп келінді. Десе де, итбалықтар ақыры жойылудың алдында тұр деп мойындалып, Қызыл кітапқа енгізілетін болды. Итбалықтар санының соңғы жылдары еселеп азаюы теңіздің ластануымен де тікелей байланысты екені талайдан айтылып жүр.   

Аян Мейраш, ҚР Экология, геология және табиғи ресурстар министрлігі орман шаруашылығы және жануарлар дүниесі комитетінің баспасөз хатшысы:

-Каспий итбалығы өсімдіктер мен жануарлардың сирек кездесетін және құрып кету қаупі төнген түрлерінің тізбегіне енгізу ұсынысы толық қолдау тапты. Бұл итбалықтарды қорғауға ықпал етуге және болашақта ерекше қорғалатын табиғи аймақ құруға маңызды бастама болары сөзсіз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!