Қасиетті мейрамда малды онлайн сойғысы келетіндер тым аз болып шықты. Елордалықтар 150 қой мен 5 ірі қара союға тапсырыс берген. Ал бас қаладағы етке мұқтаж азаматтардан екі жарым мың өтінім келіп түсіпті. Құрбан2020 сайты өтінішті 30-шілдеге дейін қабылдайды. Бірақ құрбандық шалушылардың аздығына байланысты мұқтаж отбасылардан мал етіне өтініш қабылдау уақытша тоқтатылған. Арнайы Құрбан айт мейрамына ашылған сайтта ірі қара мен қой-ешкінің бағасына көпшіліктің көңілі толмайды. Мәселен, сайтта бір қойдың бағасы 50 мың теңге. Бұған қатысты бас имам түсініктеме берді.

Ерболат Жүсіпов, Нұр-Сұлтан қаласының бас имамы:

-Нұр-Сұлтан қаласында қойдың бағасы  50 мың теңге деп бердік. Ал ірі қараның бағасы  350 мың теңге деп бердік. Алты айға жетпеген немесе арықтау тоқтыны 35-40 мыңға алуыңыз мүмкін. Бірақ біз бір нәрсені білуіміз керек. Қой мен ешкі  бір жасар болуы керек. 40-35 мың көлеміндегі қой шариғат талабына келмейді.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!