Арнайы орталық қоғамдық көліктерде санитарлық талаптың сақталуын онлайн режимде бақылайды. Егер де бетперде кимеген адам анықталса, алдымен жүргізуші оған ескерту жасайды, көнбесе, жүргізуші полиция шақыртып, ережені елемеген айыппұл арқалайды.

Бас санитар дәрігердің қаулысымен кез келген адам көшеде медициналық бетперде тағуы тиіс. Талапқа бейжай қараған тұрғындарға 83 мың теңге көлемінде әкімшілік жаза қарастырылған.

Баян Қоңырбаев, Алматы қаласы цифрландыру басқармасының басшысы:

- Дәл қазір мұндай «ақылды» камера тек бір автобусқа орнатылды. Камера апта аяғына дейін бес қоғамдық көлікте болса, айдың соңына дейін барлық автобусқа орнатылады. Жоба бетперде кимейтіндермен қоса, арақашықтық сақтамайтындарды да анықтайды. Арнайы бейнекамералар автобустағы жолаушылар ағынын бақылап отыруға мүмкіндік береді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!