Коронавирус тарап, төтенше жағдай жарияланған кезде дәрі тасымалына жауапты елдегі жалғыз компанияны Берік Шәріп басқарған еді. Жұрт қарапайым дәрілердің өзін таба алмай сабылып, жағдай одан бетер ушыққан тұста, Шәріпті президент қызметінен қуған болатын. Қуып қана қойған жоқ, «СҚ-Фармацияда» бастан-аяқ тексеріс жұмыстарын жүргізуге пәрмен берген. Сол тексеріс нәтижесі бойынша былықтың беті ашылып отыр. Жемқорлыққа қарсы қызмет әзірге қанша қаржының қалай жымқырылғанын ашып айтқан жоқ. Белгілісі, медициналық құрал-жабдықтарды сатып алу кезінде қызметін асыра пайдаланып, орасан зор нұқсан келтірген Берік Шәріп қазір Нұр-Сұлтан қаласындағы тергеу изоляторында отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!