Жазира Асанова, «Елбасы Академиясы» КҚ диагностика және дамыту жобалары жөніндегі координаторы:

- Бұл олимпиада өз бастамасын ақпан айында алған болатын. Елбасы Нұрсұлтан Әбішұлы Назарбаевтың «Ел үміті» – жас қазақстандықтарды қолдауға арналған бастамасы аясында өткізілуде. Біз, Елбасы академиясы ретінде осы олимпиаданың бас ұйымдастырушысы болып саналамыз. Олимпиадаға 5-6 сынып оқушылары қатысуда. Барлығы ауыл мектептерініңи балалары.  

«Мың бала» олимпиадасының бүгінгі қорытынды кезеңіне ел бойынша 5 мың оқушы қатысты. Олардың арасынан мыңы ғана дарынды балаларға арналған мамандандырылған мектептерде білім алуға жолдама алады. Бүгін басталған екінші кезеңнің барлық қатысушысы Елбасы академиясының онлайн мектебіне тіркелген. Ақысыз қашықтан оқыту күзде басталады. Ұлттық олимпиаданың екінші кезеңі тамыздың 21-і және 22-де Назарбаев зияткерлік мектептерінде өтеді. Нұр-Сұлтан қаласындағы Назарбаев Зияткерлік мектебінде Ақмола облысына қарасты ауыл мектептерінің оқушылары келіп тест тапсырды.

Тимур Омаров, Ақмола облысының тұрғыны:

- Осы мектепте біз жақсы дайындалдық. Білімі жақсы. Қызымды осында әкелмес бұрын жақсы жерде оқыттық Мектепте озат, суреті үлгілі тақтада ілініп тұр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!