Қазақстандықтар Түркияға билетті талап алды
Сағындырған саяхат! Апта сайын кем дегенде 5 жарым мың қазақстандық Түркияға саяхатқа кеткелі жатыр. Отандастарымыздың теңіз жағалауындағы демалысты сағынғаны сонша, сатылымға түскен билетті талап алған.
Автор: Аруна Ортай
25.08.2020
Анталияға 17 рейс жоспарланған екен. Бірақ қазірдің өзінде оған билет жоқ. Себебі, әуе қақпасы ашылады деген күні-ақ, туристер жолдамаларды талап алған. Бұның өзі қазан айының соңына дейінгі рейстер екен. Сатылған билеттерді есептеген туристік фирмалар апта сайын кемінде 5 жарым мың қазақстандық Түркияға ұшады деп отыр. «Мұндай жағдай бұрын-соңды болмаған», - дейді мамандар. Әдетте осы уақытта туристер күнге қыздырынып болып, елге оралып жататын. Енді күннің суытатыны да оларға кедергі болмайын деп тұр.
Ал 12-қыркүйектен бастап атақты Шарм-әл-Шейх туристерге есігін ашады. Саудасы қызған әуе компаниялары шетелге ұшатын борттарды жаппай алмастырып жатыр. Рейске неғұрлым көбірек жолаушы сиятын ұшақтарды дайындауда.
Инна Рей, «Туристік Қамқор» корпоративтік қорының төрайымы:
- Жаздың соңы нағыз маусымға айналды. Әдетте бұл уақытта жолдамаларды сату тоқтай бастайтын. Енді азаматтар ештеңеге қарамай, теңізге кеткісі келуде. Сұраныс қыста түсе қоймас. Оған сенімдіміз. Себебі, әуе билеттері күздің жақындағанына қарамастан тез сатылуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
