Ковид-19: Індеттен 7 адам өлді
Елімізде коронавирус пневмониясымен сырқаттанғандардың қатары азая түсті. Бір тәулікте тек 8 адамның қос өкпесі қабынғаны анықталған. Алайда бір жарым ай ішінде бұл дерт 30 мыңға жуық жерлесімізге жұғыпты.
Автор: Мақсат Мәлік
15.09.2020
65 адамның ағзасынан коронавирус табылған. Қазір қауіпті вирус жұқтырғандардың қатары күн санап азайып келгенімен, аймақтардағы жағдай ала-құла. Мәселен, Шығыс Қазақстан облысында бір күнде 20 адам Ковид-19 жұқтырған.
Қауіпті кеселдің кесапатынан көз жұмғандардың тізімі әлі де жалғасып жатыр. Өткен тәулікте 7 науқас індеттен қайтыс болса, оның төртеуі коронавирустан жан тапсырған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
