Бақылау камерасындағы видеоға мұқият қарасаң, автобус өз жолағымен келе жатыр. Мейрамхана тұрағынан қозғалған көлік кенеттен солға бұрып, қоғамдық көлікті сызып барып айналып тоқтады.

Кроссоверді 37 жастағы келіншек тізгіндеген. Артқы айнасына қарамай, сақтықты сақтамай, газды баса жөнелгеніне қарағанда, бір жаққа асыққан сыңайлы. Жол апаты салдарынан автобустағы бірнеше жолаушы мен жүргізуші әйел жарақат алған.

Ерболат Сарқұлов, Ақтөбе облыстық ПД баспасөз хатшысы:

- Автобустың жеті жолаушысы түрлі дене жарақатымен Ақтөбе қаласының жедел жәрдем ауруханасына жеткізілді. Ақ автобустың ішінде болған бір кәмелетке толмаған жолаушысы облыстық ауруханаға жеткізілді. Аталған фактімен тергеу амалдары жүргізілуде.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!