Ковид-19: 14 сырқаттың жағдайы өте ауыр
Елімізде қауіпті індеттен емделіп шыққан адамдардың саны 102 мыңнан асты. Өкінішке қарай, науқастардың арасында өлім-жітім азаятын түрі жоқ. Соңғы бір тәулікте қатерлі вирус 5 жерлесіміздің өмірін жалмады. Оның ішінде 1 адам коронавирустық пневмониядан көз жұмған.
Автор: Мақсат Мәлік
22.09.2020
Соңғы тәулікте ковид-19-ды 67 адам жұқтырса, коронавирустық пневмониямен ауыратындардың қатары 20 науқасқа артыпты. Індет басталғаннан бері қайтыс болғандардың жалпы саны 2 мың 48 адамға жетті. Ал коронавирус пневмониясының құрығына іліккен 14 сырқаттың жағдайы өте ауыр.
Ресми статистика күн санап құбылғанымен, кейбір аймақтардағы ахуал әлі көңіл көншітпейді. Мәселен, Шығыс Қазақстан облысында өткен тәулікте тағы 30 адамнан вирус анықталды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
