Павлодарда брендтік маркалы сөмкелердің көзі жойылды
Шопингке құмарлардың жаны күйді! Бүгін Павлодарда брендтік маркалардың сөмкелері кескіленді. Осылайша жергілікті билік контрафакті тауарларды жойды.
Автор: Саят Дәулетжанұлы
23.09.2020
50-ге тарта әйел сөмкелері мен рюкзактары пышақ пен қайшыға ілінді. Оның барлығы да атағы жер жарған брендті жамылған өнімдер. Мамандардың айтуынша, дүкен аралауға ішкен асын жерге қоятындар үшін бұл ауыр жаңалық. Контрафакт өнімдер астанадан жеткізіліп, жергілікті дүкендерде саудаланған. Осы жолы быт-шыты шыға тілінген сөмкелердің құны жарты миллион теңгеден асады.
Дамир Мерғалымов, Павлодар облыстық әділет басқармасының бөлім жетекшісі:
- Тәркіленген өнімдер сот шешіміне байланысты жойылуы тиіс. Басқалай шешім шығарылмайды.Егер кәсіпкерлер екінші рет осындай әрекетпен ұсталса, әкімшілік жазаға тартылады. Ал тәркіленген контрафакт тауарының жалпы құны 2 мың айлық есептік көрсеткіштен асса, қылмыстық іс қозғалады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
