ШҚО: Кезекші сыныптарда коронавирус тарап жатыр
Шығыс Қазақстан облысында мектептердегі кезекші сынып оқушыларының арасында коронавирус таралып жатыр. Бүгін тағы да COVID-19 жұқтырған үш оқушы тіркелді.
Автор: Ұлан Нұрахмет
24.09.2020
Қауіпті індет Шемонаиха ауданындағы 4-сынып оқушылары мен Көкпекті ауданының 11-сынып оқушысынан анықталған. Қазір олармен қарым-қатынаста болған балалар мен мұғалімдер де жаппай тексерілуде. Осымен аталмыш өңірдегі оқушылар арасында дертке қатысты 4 жағдай тіркелді. Айта кетейік,
Кеше ғана Алтай ауданындағы Парыгин ауылында 2-сынып оқитын балақайдың инфекция жұқтырғаны белгілі болған еді. Бүгінде дерт ошағы анықталған екі мектептің кезекші сыныптары және Көкпекті ауданының бір мектебі 14 күнге карантинге жабылды.
Бағлан Тауанова, ШҚО тауарлар мен көрсетілетін қызмет сапасы мен қауіпсіздігін бақылау департаментінің баспасөз хатшысы:
- Мектептердегі коронавирус инфекциясының ошағы болып табылатын сыныптарға қашықтықтан оқытуға ауыстыру туралы қаулы шығарылды. Қауіпті вирус анықталған барлық мектептерде эпидемияға қарсы дезинфекциялық іс-шаралар жүргізілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
